Transcription
1
Mon seigneur, estant à Grenoble, il vous pleust
2
me commander de me adviser et prendre garde d’Orpière
3
et pour ce faire, m’en donnattes charge et comiscion par
4
escript. Estant arrivé en ce lieu, treuve les gardez
5
en mesme estat que les laissès quand m’en allant
6
audit Grenoble. Estre arrivé, les conseuls me vindrent
7
treuver et me portèrent les clefz dez portes de ce lieu
8
comme au paravant les avoye, lesquellez prins et leur
9
baillès la commission qu’il vous avoyt pleu me
10
bailler, affin qu’ilz sceussent par icelle et vissent
11
votre intentin. Estre venu ung sire François Abel,
12
marchant de ce lieu, fict tourner revoyr votre dicte
13
commission et comme acoustumer à troubler le reppos de
14
ce lieu et comme envieulx a changé par ces moyens
15
acoustumez une partie du petit peuple qu’ilz n’ont rien
16
voulleu hobéyr à votre dicte commission et mesme que
17
ayant faict demander les clefz de ladite ville soubz
18
prétexte de tenir ung conseil général de la ville, quand
19
est venu de l’eure acoustumée et comme je avoys
20
aussi acoustume de veoyr sceulx qui entroyent
21
en garde et fermer les portes, ne m’ont voulleu
22
rendre les clefz de ladite ville, disant qu’ilz
23
avoyent advisé en leur conseil de les garder* [*comme si je avoys faict quelque tradimentz à la ville] et je
24
ne leur ay voulleu dire aultre chose, remestant le
25
tout à ce que bon vous en semblera et vous renvoye
26
votre commission, s’il vous plaict que je la commande, je
27
[v] vous hobéyrey en tout ce qui vous plairra. Si votre
28
seigneurie treuve bon, la pourrés remectre audit sire
29
Françoys Abel. Monseigneur, je ne veulx aussi hoblier
30
vous supplier que s’il advenoyt qu’ilz fissent plaincte
31
ou que je heusse faict ou dict quelque chose qui feust
32
dommageable ou houltragieuse en général ou en particullier,
33
vous supplie très humblement que je soye appellé par
34
devant vous à leur présence et s’il ly à faulte en faict
35
ou en dict, que je ens porte la pénitence au double, sy non
36
et au contraire par la vous congnoistrez la mallice et principallement
37
de ce particullier sus nommé. Nous avons demeuré despuys
38
troys jours sans garde. Je ne vous puys escripre
39
nullez novelles dignez de vous car despuys que suys
40
esté arrivé, avons heu et les neiges et les grandz ventz,
41
toutesfoys la mallice du temps ny de certains particulliers
42
n’empêchera, quand y aura juste occasion, que ne vous
43
tiengne adverti du tout ce que se pourra présenter et
44
survenir, vous présentant d’aussi bonne voullanté mes très
45
humblez comme de bon cœur prye Dieu
46
Monseigneur vous donner en bonne sancté longue et Heureuse vye. De votre humble
47
maison d’Erpière, ce XVIe décembre.
48
Votre bien humble et affectionné
49
à vous faire service
50
Ville Franche